• Басты
  • Қазақстанның стратегиялық басымдылығы кәсіпкерлікті дамыту болып есептеледі - Назарбаев
27 Қаңтар, 2015 12:23

Қазақстанның стратегиялық басымдылығы кәсіпкерлікті дамыту болып есептеледі - Назарбаев

Қазақстанның стратегиялық басымдылығы кәсіпкерлікті дамыту, деп Астанада өткен Ұлттық кәсiпкерлер палатасының II съезiнiң қатысушыларына Премьер-Министрдiң бiрiншi орынбасары Бақытжан Сағынтаев ҚР Президентi Нұрсұлтан Назарбаевтың құттықтау сөзін оқыды.
Қазақстанның стратегиялық басымдылығы кәсіпкерлікті дамыту болып есептеледі - Назарбаев | Strategy2050.kz

«Бiздiң елiмiзде 1 млн 200 мыңнан астам кәсiпорын мен жеке кәсiпкер жұмыс iстейдi. Шағын және орта бизнес секторында 3 млн-ға жуық адам еңбектенуде. Республиканың әлеуметтiк жағдайы олардың жұмысына тәуелдi. Отандық нарықтық экономиканың негiзiн құрайтын кәсiпкерлiктi дамыту Қазақстанның стратегиялық басымдығы болып табылады. Ел эконмикасындағы шағын және орта бизнес үлесi 2050 жылы 50%-ға жетуi тиiс», - делінген құттықтау сөзінде.

«Алға қойған бұл мiндетке қол жеткiзу бизнес орта мен мемлекет күшiн бiрiктiрген кезде ғана мүмкiн болады. Соңғы жылдары отандық кәсiпкерлiкке қолдау көрсету мен инвестиция тартуға қолайлы шарттарды жасау мақсатында көптеген шаралар қолға алынды», - деп атап өтті Елбасы.

Сонымен қатар, Президент соңғы жылдары Қазақстанда  отандық кәсiпкерлiкке қолдау көрсету мен инвестиция тартуға қолайлы шарттар жасалып жатқандығын баса айтты. «Ендiгi кезекте алда тұрған мақсат - жеке кәсiпкерлiк бастамаларды толыққанды ашу. Олардың нарықтық шарттардағы маңызы ерекше ».

«Бұл ретте Ұлттық кәсiпкерлер палатасы маңызды рөл атқаруы тиiс. Ол өткен жылдың iшiнде тұрақты тәуелсiз институт ретiде өзiн көрсетiп, бизнес қауымдастық мүддесiн қарастыруда. Бүгiнгi күнi әлемдiк экономикада iшкi нарыққа әсер ететiн күрделi мәселелерге тап болып отырмыз. Бұл, бiр жағынан, жаңа мүмкiндiктер деп беріп отыр», - делінген Қазақстан Президентінің сөзінде.

«Кәсiпкерлер палатасы елдегi кәсiпкерлiктi одан әрі дамытуға бағытталған тиiмдi шараларды жасау үдерiсiне белсендi түрде қатысуда. Бұл өзара әрекеттестiк әлеуетi кез келген қиыншылықтарды бастан өткеруге болады деп үмiттендiредi. Съезд Қазақстандағы кәсіпкерлікті одан ары дамыту және жетілдіру бойынша дұрыс бағыттар мен шешімдер қабылдауға септігін тигізетініне сенімдімін», - деп түйді Президенттің сөзін оқыған Б.Сағынтаев.

Камила Амирова

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды