• Басты
  • ӘҚК әскери институтын бітірген 79 лейтенант оқу-жаттығу – жауынгерлік қызметке кірісті
27 Қаңтар, 2015 20:43

ӘҚК әскери институтын бітірген 79 лейтенант оқу-жаттығу – жауынгерлік қызметке кірісті

ҚР ҚК Әскери-әуе күштерінде екі мәрте Кеңес Одағының батыры Т. Бигелдинов атындағы Әуе қорғанысы күштері әскери институтының 2014 жылғы түлектерінің оқу-жаттығу жиындары аяқталды.

ӘҚК әскери институтын бітірген 79 лейтенант оқу-жаттығу – жауынгерлік қызметке кірісті | Strategy2050.kz

Жиын 2015 жылғы ӘӘК қолбасшысының орынбасары (ТжИЖ жөніндегі), бөлім бастығы полковник Еркін Жұмағалиевтің жетекшілігімен 65229 әскери бөлімінің (Жетіген п.) оқу-материалдық базасында өтті, деп хабарлады Қорғаныс министрлігі.

79 жас лейтенант авиация қызметі мен бөлімшелерінің күнделікті жауынгерлік тыныс-тіршілігіне етене атсалысып, әскери бөлімнің түрлі объектілерінде: командалық-диспечерлік пунктте, сақтау тобында, техникалық-пайдалану бөлімінде, жанар-жағар май қоймасында, байланыс торабы мен радиотехникалық қамтамасыз ету объектілерінде болды.

«Аталмыш жиындардың мақсаты – Әскери-әуе күштерін замануи талаптарға сай біліктілігі жоғары офицерлік кадрлармен қамтамасыз ету», - делінген хабарламада.

Жиынның соңғы күні бірқатар үздік офицерлер аталып өтті.Сонымен, дене даярлығында лейтенанттар Айдын Рахимбаев (Алматы қ., авиация базасы) және Жанғали Ақылбеков (Шымкент қ., авиация базасы),  Макаров тапаншасынан атуда лейтенант Тимур Еспаев (Ақтау қ., авиация базасы) және лейтенант Райымбек Бекетов (Алматы қ., авиация базасы) көзге түсті.


 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды