«KazSat-3» қабылдау бойынша актіге қол қойылды

27 Қаңтар, 2015 09:03

Қазақстан Республикасының Инвестициялар және даму министрлігінің Аэроғарыш комитеті құрған комиссия делегация құрамында Ақкөл қаласындағы ғарыш аппарттарын басқару кешенін аралады.

Қазғарыштан хабарлағандай, комиссия мүшесі кешеннің жұмысымен танысып, «Республикалық ғарыштық байланыс орталығы» АҚ мен академик М.Ф. Решетнев атындағы «Ақпараттық жерсеріктік жүйелер» ААҚ өкілдерінің «KazSat-3» жобасының жүзеге асырылуы мен барлық сынауларының нәтижесі туралы бандамасын тыңдады.

Қабылдау комиссиясы жұмысының қорытындысы бойынша «KazSat-3» ғарыштық байланыс жүйесі жобасының аяқталуына байланысты нәтижесін қабылдау актісіне қол қойылды.

Айта кетерлік жайт, «KazSat-3»ҒА штаттық режимде жұмыс істейді және оның қызметімен алғаш болып қазақстандық байланыс операторлары «Astel»АҚ мен «2DayTelecom»ЖШС пайдаланды.

Осылайша, «Республикалық ғарыштық байланыс орталығы» АҚ мемлекеттік комиссияның қорытындысына сәйкес «KazSat-3»ҒА қызметін коммерциялық тұрғыда пайдалануға көшті.

Барлық жаңалықтар