Сенатор Б.Бекназаров Еуропа Кеңесі Парламенттік Ассамблеясының (ЕКПА) сессиясына қатысады
26 Қаңтар, 2015 16:51
26-30 қаңтарда Қазақстан Республикасы Парламенті Сенатының депутаты Бектас Бекназаров Еуропа Кеңесі Парламенттік Ассамблеясының 2015 жылғы Страсбург қаласындағы (Франция) жыл сайынғы сессиясының бірінші жартысына қатысады.
Сессия аясында Парламенттік Ассамблеясының Төрағасы мен оның орынбасарларына және Еуропа сотының адам құқықтары жөніндегі судьяларына сайлау болады, деп хабарлады Сенаттың баспасөз қызметі.
Еуропа Кеңесінің парламентшілері ЕКПА-ның Тунис пен Молдовадағы парламенттік сайлауға байқау миссиялары бойынша мониторинг қорытындыларын, Украинадағы гуманитарлық күйзелістерді, көшіп келушілер мен мүгедектер, төзбеушілік және кемсітушілік, Еуропадағы бұқаралық ақпарат құралдар бостандығын қорғау мәселелерін талқылайды.
