• Басты
  • Қазақстанда 2015 жылы стационарлық және стационарды алмастырушы көмек түрін 574 ұйым көрсетеді
24 Қаңтар, 2015 15:07

Қазақстанда 2015 жылы стационарлық және стационарды алмастырушы көмек түрін 574 ұйым көрсетеді

2015 жылы Қазақстанда республикалық бюджет қаражаты есебінен тегін медициналық көмектің кепілдік берілген көлемі (ТМККК) шеңберінде стационарлық және стационарды алмастырушы көмек түрін 574 емдеу ұйымы көрсетеді. Олардың 35,5% - жекеменшік ұйымдар.

Қазақстанда 2015 жылы  стационарлық және стационарды алмастырушы көмек түрін 574 ұйым көрсетеді | Strategy2050.kz

ҚР Денсаулық сақтау және әлеуметтік даму министрлігінің Медициналық қызметке ақыны төлеу комитеті жыл сайын азаматтарға үздіксіз медициналық қызмет көрсетуді қамтамасыз ету мақсатында ТМККК көрсетуге мемлекеттік тапсырыс орналастырып келеді.  

«Мемлекеттік тапсырысты орналастыру барысында емдеу ұйымдарына медициналық қызметтердің сапасы үшін жауапкершілік жүктеледі. Бұл талап қызмет көрсетуші мен тапсырыс беруші арасында жасалатын келісім-шартта көрсетіледі», деп хабарлады Денсаулық сақтау және әлеуметтік көмек көрсету министрлігі. 

Шара барысында аккредиттеуден өткен медициналық ұйымдарға басымдық беріледі.

2014 жылы стационарлық және стационарды алмастырушы көмек түрін көрсеткен 557 ұйымның 29% жекеменшік сектор өкілдері құрады. Олар үшін мемлекеттік ұйымдармен бірдей жағдай жасалып, тартымды тариф ұсынылды.   

Қызметтер үшін ақы сапасы мен көлеміне қатысты сараптама жүргізілгеннен кейін ғана төленеді. Олар тиісті деңгейде көрсетілмеген жағдайда экономикалық шара қолданылады. 

Науқастармен кері байланыс орнату мақсатында Республикалық денсаулық сақтауды дамыту орталығының http://www.rcrz.kz сайтында медициналық ұйымдар мен олардың рейтингі туралы ақпарат орналастырылған. Бұл мәлімет қазақстандықтарға жоспарлы стацинарлық ем алатын ауруханаларды өз бетімен таңдауға көмектеседі. 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды