8 ай ішінде Қарағанды облысында 6 мыңнан астам жас жұмысқа орналасты

 «2013 жылдың 8 айында Қарағанды облысының жұмыспен қамту мекемелеріне 8,3 мың жас жүгініп, соның 6 мыңнан астамы (72%) жұмысқа орналасты», - делінген әкімдік хабарламасында.

Бүгінде жұмыссыз ретінде тіркелген жастардың саны 2084. Олардың 432-сінің жоғары, 885-сінің кәсіптік білімі болса, 770 жастың жалпы орта білімі бар.

Қазіргі таңда 1 мыңнан астам жас кәсіптік дайындыққа, біліктілікті арттыру мен қайта даярнауға жіберілген.

Уақытша жұмыспен қамту мақсатында жастарға алты ай көлемінде қоғамдық жұмыстар ұсынылады. Нәтижесінде қоғамдық жұмыстарға 2,4 мың жас тіркелген.

Сонымен қатар, «Жұмыспен қамту-2020» бағдарламасын іске асыру аясында 540-тан астам адам бірінші жартыжылдықта әлеуметтік келісім жасасқан.

Айта кету керек, әлеуметтік сауалнамалар қорытындысы бойынша, сауалнама жүргізілген адамдардың 42%-ы жұмыссыздықтың басты себебі бос жұмыс орындарының болмауынан деп ойлайды. Бұған себеп ақпараттық жұмыстардың жүргізілмеуі. Сол үшін облыс көлемінде жұмысқа тұру мүмкіндіктері туралы ақпараттық науқан жүргізілуде.