Парламент депутаттары БҰҰ Арнаулы баяндамашысымен кездесті
22 Қаңтар, 2015 18:32
Бүгін Қазақстан Республикасы Парламенті Сенатының депутаты, Сенаттың Конституциялық заңнама, сот жүйесі және құқық қорғау органдары комитетінің төрағасы Серік Ақылбай және Мәжілістің Заңнама және сот-құқықтық реформа жөніндегі комитетінің төрағасы Рахмет Мұқашев БҰҰ бейбіт бас қосулар мен шерулерді өткізу саласындағы еркіндік құқықтары жөніндегі Арнаулы баяндамашысы Майна Киаимен кездесті.
Сенаттың баспасөз қызметі хабарлағандай, жүздесу барысында бейбіт бас қосулар мен шерулерді өткізу саласындағы еркіндік құқықтары саласындағы қазақстандық заңнамалық базаның жағдайы және оны жетілдірудің келешегі туралы пікір алмасты.
