ҚР Премьер-Министрі К.Мәсімов Давоста бірқатар екі жақты кездесулер өткізді

«Кәрім Мәсімовтің Дүниежүзілік экономикалық форумның (ДЭФ) Президенті Клаус Швабпен кездесуінде қазір Давоста өтіп жатқан форумның күн тәртібі және Қазақстан мен ДЭФ арасындағы ынтымақтастықты кеңіту мәселелері талқыланды», - делінген хабарламада.   

К.Мәсімов Қазақстанның экономиканы әртараптандыру саласындағы үдемелі дамуын тереңдету, сондай-ақ «Жаһандық бәсекеге қабілеттілік индексі» рейтингісінде өз позицияларын жақсарту бойынша Қазақстанның ниеттерін атап өтті.

Сондай-ақ, Кәрім Мәсімов БҰҰ Бас Ассамблеясының экс-Төрағасы Вук Еремичпен кездесу өткізді. Тараптар әлем экономикасында қалыптасқан жағдайды, пайда болған тәуекелдер мен олардан аралу мүмкіндіктерін талқылады. 

Қазақстанда «Magnesita» компаниясының қызметін дамыту мәселелері Кәрім Мәсімовтің компанияның вице-президенті Зелбер Деттонье до Насиментомен әңгімесі барысында қаралды.