Қазақстан мен Германия меморгандарының басшылары экономикалық ынтымақтастық сұрақтарын талқылады
«30 қыркүйекте ҚР Берлиндегі Елшілігінде ГФР құзыретті министрліктерінің басшылығы мен экономикалық бірлестіктер өкілдерінің қатысуымен Қазақстан мен Германия арасындағы экономикалық ынтымақтастықты жандандыру тақырыбында дөңгелек үстел өтті», - делінген хабарламада.
Елші Н.Онжанов қатысушыларды «Қазақстан-2050» Даму стратегиясы аясындағы Қазақстанның саяси және әлеуметтік-экономикалық дамуының өзекті аспектілерімен, сонымен қатар Мемлекет басшысының 2012 ж. ақпан айындағы Германияға сапары барысында қол жеткізілген уағдаластықтарға байланысты екіжақты ынтымақтастықтың басымды бағыттарымен таныстырып өтті.
Кездесу барысында тараптар ұстанымдарды салыстырып, Шикізат және технология салаларындағы серіктестік, Қазақстанды индустрияландыру бағдарламасы, сондай-ақ Астанада «ЭКСПО-2017» көрмесін өткізу төңірегіндегі екіжақты ынтымақтастықтың негізгі бағыттары бойынша пікір алмасты.
