Щучьеде ЖҚЖК аясында Қарттар үйі күрделі жөндеуден өтті
22 Қаңтар, 2015 16:18
Щучье қаласында «Жұмыспен қамтудың жол картасы - 2020» бағдарламасы аясында Қарттар мен мүгедектерге арналған медициналық-әлеуметтік мекемеге күрделі жөндеу жұмыстары жүргізілді, деп хабарлады Ақмола облысының ішкі саясат басқармасы.
«Шучье қаласындағы «Жалпы типтегі қарттар мен мүгедектерге арналған медициналық-санитарлық мекеме» КММ жөндеуден өткізу үшін 23 млн теңге бөлініп, қаржы толығымен игерілді», деп толықтырды ІСБ.
«Аталмыш мекеме толығымен жабдықталған, қажетті медициналық техгнологиясыда жеткілікті. Ал, оның тұғындары Президенттің ұдайы қамқорлығына үлкен алғысын жаудыруда», - делінген хабарламада.
Аталып өткендей, ЖҚЖК-2020 бағдарламасының бірінші бағыты бойынша Бурабай ауданында 14 нысанға күрделі жөндей жұмыстары жүргізілді, жалпы сомасы 250 млн теңгеге 2 дәрігерлік амбулатория салынды. Құрылыс барысында 140 орны ашылды.
