Ақмола облысында Абылай ханның ұлына ескерткіш қойылды
1 Қазан, 2013 21:15
Ақмола облысы Зеренді ауданында Абылай ханның ұлы Уәли ханның мазарына қоршау салынды, деп хабарлайды облыс әкімдігінің баспасөз қызметі.
«Ақмола облысының тарихи-мәдени жәдігерлерді сақтау және қолдану орталығы мазардың ішіне мал кіріп кетпеу үшін айналасына қоршау тұрғызумен айналысып жатыр», - делінген хабарламада.
Айта кету керек,Уәли хан 1820 жылы дүниеден озғанда, марқұмның мәйітін Түркістанға, Абылай ханның жатқан жеріне апарып жерлеу керек болған, алайда ол мүмкін болмады. 1904 жылы Уәли ханның немересі Сұлтанғазы мазардың басын тұрғызды.
