ХҚКО-ларда Жоғарғы Соттың «Жеке кабинеті» жұмыс істейді

21 Қаңтар, 2015 15:33

Жоғарғы сот Халыққа қызмет көрсету орталықтарымен бірігіп халық көп шоғырланған жерлерде қызмет көрсетуді жеңілдете түсу үшін өзіне-өзі қызмет көрсету орындарын ұйымдастырды, деп хабарлады Жоғарғы Сот.

Аталмыш орындарда азаматтар кезекте тұрмай-ақ сотқа өтініш бере алады. Олар Жоғарғы соттың интернет-ресурсы «Сот кабинеті» электронды ақпараттық жүйесі арқылы кез келген шағым, ұсыныс-пікірлерін тікелей жібере алады.

Қызметке келетіндердің көпшілігі қазақстандық азаматтар деп болжанып отыр. Оның ішінде интернетке шыға алмайтын, электронды түрде құжат немесе өтініш жіберуге мүмкіндігі жетпейтін адамдар бар.

Жоғарғы Сот хабарлағандай, ХҚКО-ға жүгінген жағдайда халық электронды сандық қолға ие болады. Өз кезегінде, ХҚКО-ларының жауапты хатшылары халыққа кеңес пен тәжірибелік көмек көрсетеді.

ХҚКО-ларда аталмыш орындардың ашылуы сот құжаттарының механизмін жеңілдетіп, уақытты үнемдейді. Қағазбастылықтан алшақтатып, « Жеке кабинет» арқылы ақпаратқа қол жеткізуді тиімділете түседі.

Барлық жаңалықтар