Қазақстанда тіркелген қылмыс деңгейі 5,2 пайызға азайды - Бас прокуратура

«Қылмыстың барлық түрлері бойынша төмендеу байқалды, оның ішінде аса ауыр қылмыстар – 18,2 пайызға (2629-дан 2150-ге), ауыр қылмыстар – 17,4 пайызға (33 836-дан 27 941-ге), ауырлығы орташа қылмыстар – 2,8 пайызға (279 389-дан 271 592-ге), ауыр емес қылмыстар 10 пайызға (43 990-нан 39 608-ге) азайған», - делінген хабарламада.

Мемлекеттік органдардың қылмыстың профилактикасы бойынша іс-әрекеттерін үйлестіру олардың негізгі құрылымын құрайтын қылмыстардың төмендеуіне мүмкіндік берді. Мәселен, өткен жылы ұрлық жасау -1,5 пайызға, оның ішінде үйге ұры түсу - 2,9 пайыз, бұзақылық -15 пайызға, ал тонау- 24 пайызға азайған, қылмыстың бұл түрлері елімізде жасалған барлық қылмыстардың 72 пайызын құрайды.

Сондай-ақ, алкогольдік ішімдікке және есірткіге мас болу жағдайында жасалған қылмыстар – 4,3 пайызға, кәмелетке толмағандар жасаған қылмыстар -16,9 пайызға азайса, көшеде жасалған қылмыстар 10,5 пайызға, ал қайталама қылмыстар 7,2 пайызға төмендеген.

Сол сияқты, әлем бойынша нақты криминогенді жағдайға баға беретін индикатор болып саналатын қылмыстардың да төмендегені байқалады. Мәселен, кісі өлтіру саны 19,3 пайызға, қарақшылық 29,7 пайызға кемісе, бопсалау 19,2 пайыз азайған.