Қазақстан Лондонда композитор Еркеш Шакеевтің музыкасын таныстырды

20 Қаңтар, 2015 20:48

«Қазақстан Еркеш Шакеевті таныстырады» жобасының аясында Лондонның (Англия) St. Luke’s соборында Еркеш Шакеев пен Марат Бисенгалиевтің бірлескен концерті өтті, деп хабарлады мәдениет және спорт министрлігі.

«Кеш бағдарламасына әйгілі Лондон симфониялық оркестрі мен шебер скрипкашы Марат Бисенгалиевтің орындауындағы Еркеш Шакеевтің туындылары кірді. Әлемнің ең танымал оркестрінің 60 музыканты автордың 30 жыл бойғы талдымсыз еңбегінің нәтижесі болып табылатын шығармаларды ойнап, ағылшын көрермендерін тамсандырған болатын», - делінген хабарламада.

Сонымен қатар, концертте қазақстандық симфониялық музыканың қас шеберлері бірлесіп жазған «Inception» альбомының тұсауы кесілді. Топтама құрамына 12 шығарма кірді.

Альбомды жазу жұмыстары Abbey Road және Air Studios студияларымен қатар Карл Дженкинстің төл шеберханасында әлемнің жетекші продюсерлерінің бірі – Александр Ван Инген продюсерлік басқаруының көмегімен өткен жылдың мамыр мен шілде айларының аралығында жүргізілген болатын.

Барлық жаңалықтар