Жамбыл облысында «Тараз-Арена» Спорт сарайының құрылысы аяқталды

1 Қазан, 2013 19:59

Жамбыл облысында құны 4,87 млрд теңгені құраған 1600 көрермендер орны бар «Тараз-Арена» Спорт сарайының құрылысы аяқталып қалды, деп хабарлайды Жамбыл облысының ішкі саясат басқармасы.

Бес қабатты ғимаратта спортпен айналысуға қажетті барлығы нәрсе қамтылған. Күн сайын бес мезгілде 2500 жасөспірім бір уақытта спорттың 18 түрімен айналысады деп жоспарланып отыр. Олардың игілігіне 13 спорт залы, соның ішінде баскетбол, волейбол, гандбол, мини-футбол, бокс, грек-рим күресі мен еркін күресі, дзюдо мен самбо, таэквондо, ауыр атлетика, үстел теннисі залдары қамтылмақ.

Трибунаға шамамен 1600 көрерме сыяды. Мұнда VIP-орындар мен төреші орны,баспасөз өкілдеріне арналған арнайы орын мен мүгедектер орны бар.

Спорт кешенінің аумағында жасанды көгалдандырылған төбесі ашық футбол алаңы ашылған. Сонымен қатар, волейбол, баскетбол мен гандбол алаңдары, екі теннис корты мен 350 орындық көлік тұрағы салынған.

Бүгінде құрылыс аяқталу үстінде. Тек көріктендіру жұмыстары ғана қалған.

Барлық жаңалықтар