ОҚО-да кәсіпорынның 80-ге жуық қызметкерінің конституциялық құқықтары қорғалды
20 Қаңтар, 2015 10:36
Оңтүстік Қазақстан облысы кәсіпорынының 80-ге жуық қызметкерінің конституциялық құқықтары қорғалды, деп хабарлады облыстық прокуратура.
«Кәсіпорынның 78 қызметкерінің конституциялық құқықтарын қорғау мақсатында Сарыағаш аудандық прокуратурасымен «Облыстық «Сарыағаш» балалар шипажайы» МКҚК-ның бас дәрігері атына ұсыныс енгізіліп, қарау нәтижесімен 78 қызметкерге 6 771 209 теңге мөлшерінде жалақылары толық көлемінде төленіп конституциялық құқықтары қорғалды», - делінген хабарламада.
Аудан прокуратурасы Қазақстан Республикасы Еңбек Кодексінің талаптарының сақталуына және мемлекеттік бюджеттен бөлінген қаржылардың мақсатты жұмсалуына тексеру жүргізген болатын.
Тексеріс барысында кәсіпорындармен 2014 жылдың қараша-желтоқсан айларына 78 қызметкеріне жалпы сомасы 6 771 209 теңге мөлшерінде жалақылары бойынша берешек туындағаны анықталды.
