Қазақстанда 2013-2014 жылдарға арналған «Ақ бұлақ» бағдарламасын іске асыруға 85 млрд теңге бөлінді

Қаржылық бақылау комитеті «2011-2020 жылдарға арналған Қазақстан Республикасы тұрғын үй-коммуналдық шаруашылығын жаңғырту» және «Ақ бұлақ» бағдарламаларын іске асыруға бөлінген қаражаттың игерілуін тексерді.

Ведомстваның хабарлауынша, тексеріс ҚР Ұлттық экономика министрлігі Құрылыс және тұрғын үй-коммуналдық шаруашылығы істері комитеті мен 12 жергілікті атқарушы орган, соның ішінде Ақмола, Алматы, Ақтөбе, Атырау, Жамбыл, Батыс Қазақстан, Қарағанды, Маңғыстау, Павлодар, Шығыс Қазақстан, Солтүстік Қазақстан облыстары мен Астана қаласын қамтыды.

«Ақ бұлақ» бағдарламасын іске асыруға 2013-2014 жылдары республикалық бюджеттен 305 нысанды қаржыландыруға 85 451,6 млн теңге бөлінген. Соның ішінде 2013 жылы  48 674, 8 млн теңге, ал 2014 жылдың 9 айында 36 776, 8 млн теңге және 62 683,5 млн теңге ауылдық елді мекендердегі жүйені дамытуға мақсатты трансферт бөлінді. Сонң ішінде 2013 жылы 34 448,1 млн теңге болса, 2014 жылдың 9 айында 28 23,4 млн теңге.

ТКШ жаңғырту бағдарламасын іске асыру үшін республикалық бюджеттен 2013-2014 жылдары 36 604,7 млн теңгенің мақсатты трансферті бөлінді. Соның ішінде 10 306,9 млн теңгесі 2013 жылға, 20 071,1 млн теңге 2014 жылдың 9 айында тиесілі.