• Басты
  • Астанада 2014 жылы байланыс қызметінің көрсеткіші 4%-ға артты

Астанада 2014 жылы байланыс қызметінің көрсеткіші 4%-ға артты

19 Қаңтар, 2015 14:06
Астана қаласының байланыс саласының кәсіпорындары 2014 жылғы қаңтар-желтоқсандағы жедел деректер бойынша 148320,0 млн. теңге сомасында қызмет көрсетті, бұл 2013 жылғы сәйкес кезеңнен салыстырмалы бағада 4%-ға жоғары, деп хабарлады қаланың статистика департаменті.

«2014 жылғы қаңтар-желтоқсандағы байланыс қызметінің табыстар құрылымында жедел әрекетті байланыс - 68,7%, интернет - 16,2%, қалааралық және халықаралық байланыс түрлері - 1,5%, жергілікті телефон - 2,1%, өзге де байланыс түрлері - 11,5%-ды құрады», - делінген хабарламада.

Табыстың жалпы көлемінің 70,2%-ы халыққа байланыс қызметін көрсетуден түсіп, 104175,5 млн. теңгені құрады және 2013 жылдың сәйкес кезең деңгейінен 2,9%-ға төмен.

Кәсіпорындардың пошталық және курьерлік қызмет көрсету саласынан түскен табысы  1736,2  млн. теңгені құрады, бұл өткен жылғы сәйкес кезең деңгейінен 15,9%-ға жоғары.

Барлық жаңалықтар