• Басты
  • «Қамқорлық» акциясының аясында елордалық 50 оқушыға әлеуметтік көмек көрсетілді
18 Қаңтар, 2015 11:43

«Қамқорлық» акциясының аясында елордалық 50 оқушыға әлеуметтік көмек көрсетілді

Республикалық «Қамқорлық» акциясының аясында Астанадағы №5, 8, 10, 15, 19, 20, 21 мектептердің 50 оқушысына қыстық киім, аяқ киім және жылы бас киімдер сыйға тартылды. Қайырымдылық көмек Астана қалалық Білім басқармасы мен «KZ» қоғамдық қоры тарапынан көрсетілді, деп хабарлайды елорда әкімдігі.
«Қамқорлық» акциясының аясында елордалық 50 оқушыға әлеуметтік көмек көрсетілді

Еске сала кетейік, «Қамқорлық» акциясы Астанада 10 қаңтар мен 10 ақпан аралығында өткізіледі. Акцияның мақсаты - тұрмысы төмен отбасылардан, көп балалы және толық емес отбасылардан шыққан балаларға, жетім балаларға, ата-ананың қамқорлығынсыз қалған балаларға және тағы да басқа көмекке зәру балаларға әлеуметтік көмек көрсету.

Акция қоғам назарын толық емес отбасынан шыққан балаларға аударып, оларды дер кезінде анықтап, қажетті көмек көрсетуге мүмкіндік береді. Былтырғы жылдың қорытындысы бойынша акция аясында Астанада 23 миллион теңгеден артық қаржы жиналған.

Барлық жаңалықтар