Астана әкімі халыққа есеп беру кездесуін ұйымдасырады
16 Қаңтар, 2015 19:48
Астана әкімі Әділбек Жақсыбеков 2015 жылдың 18 ақпанында халыққа есеп беру кездесуін ұйымдастырады, деп хабарлайды әкімдіктің баспасөз қызметі.
Астана қаласы аудандарының дәстүрлі есеп берулері 2015 жылғы 2-9 ақпан аралығында өтеді. Аудан әкімдері жыл қорытындысын шығарып, қала аумағын одан әрі дамыту туралы айтып, тұрғындардың сұрақтарына жауап береді. Бұған қоса, Астанадағы кәсіпкерлік сала өкілдерімен кездесулер ұйымдастырылады.
Алматы ауданының әкімі Бекбол Сағын 2, 4, 6, 7 және 9 ақпан күндері халық алдында есеп береді. Сарыарқа ауданының әкімі Ермағанбет Бөлекпаев аудан тұрғындарымен 2, 3, 4, 5 және 6 ақпан күндері кездеседі. Есіл ауданының әкімі Сабила Мұстафина да аудан қызметінің қорытындысын 2, 3, 4, 5 және 6 ақпан күндері шығармақ.
