ДСӘҚМ ақпараттық-анықтамалық орталығы 2014 жылы азаматтардың 226,9 мың өтінішіне жауап берді

16 Қаңтар, 2015 18:34

2014 жылы ҚР Денсаулық сақтау және әлеуметтік даму министрлігің біріңғай ақпараттық-анықтамалық орталығына 226 980 өтініш келіп түсті, деп хабарлайды ҚР ДСӘҚМ.

Соның ішінде 197 603-і телефон арқылы, 21 957-еуі телефон хабарламасы арқылы, 7420-сы электронды пошта арқылы жетті. Барлық сауалға қазақстандықтар тиісті жауаптарын ала алды.

Министрліктің хабарлауынша, ақпараттық-анықтамалық орталық Зейнетақы төлемі бойынша мемлекеттік орталық базасында 2011 жылдан бері қызмет етуде. 1411 тегін нөмеріне қоңырау шала отырып азаматтар әлеуметтік қамтамасыз ету және сақтандыруға қатысты мәселелер бойынша жауап алып, еңбек қатынастары, халықтың жұмыспен қамтылуы, зейнетақы төлемі мәселелерінде кеңеске жүгіне алады. Қоңырауды республиканың кез келген өңірінен кез келген байланыс операторымен шалуға болады.

Телефон арқылы кеңес беруден бөлек ұялы телефон, телефон хабарламасы арқылы әлеуметтік-еңбек саласы мәселелері бойынша ақпараттық-анықтамалық қызметтерге жауап ала алады. Белгілі бір елді мекендегі бос жұмыс орнынан да хабардар болуға мүмкіндік бар. Сауал жіберілгеннен кейін жұмыс беруші қоңырау шалушыға аз уақыттың ішінде жауап береді.

Барлық жаңалықтар