Түркі музейі сақ пен ғұн жебелері топтамасымен толықты
16 Қаңтар, 2015 20:04
Халықаралық түркі академиясы Түркі музейі қоры сақ пен ғұн жебелері топтамасымен толықты, деп хабарлайды ҚР Мәдениет және спорт министрлігі.
Жәдігерлер хронологиялық тұрғыдан тас дәуірінен бастап ХІХ ғасырға дейінгі аралыққа жатады. Ежелгі оқтардың басым көбі сақ, ғұн және түркі-моңғол жауынгерлерінікі. Ерлан Қариннің бұл топтаманы жинауына моңғолиялық зерттеуші Сұраған Рахметұлы үлес қосқан.
Айта кетейік, Халықаралық Түркі Академиясының жанынан ашылған мұражай 2014 жылдың күзінде тұтастай қайта жаңғыртылып, соны жәдігерлермен толықтырылды.
