Ақмола облысындағы «Нива» ЖШС Астанаға шамамен 700 тонна сүт тасымалдады
16 Қаңтар, 2015 18:19
Бүгін Ақмола облысы әкімі Сергей Кулагин Андреев ауылдық округінде «Нива» ЖШС сүтті бағыттағы мал шаруашылығы кешенінің қызметімен танысты, деп хабарлайды облыс әкімдігі.
Хабарламада айтылғандай, ЖШС сүт пен ет өндіреді. Өткен жылдың өзінде ғана мұнда 700 тонна сүт пен 64 тонна ет өндіріліп, елорда аумағындағы азық-түлік белдеуі бағдарламасы аясында Астана нарығына жөнелтілді. Мал шаруашылығы кешеніне 100-120 бас малға арналған 2 сиыр қорасы мен 80 бас малға есептелген 4 база кіреді.
Айта кету керек, «Нива» ЖШС меншікті машина-трактор шеберханасына иелік етеді. Шеберханада түрлі құрылғылар бар. Шеберхана жұмыстарының басты бағыты ауыл шаруашылық техникаларын жөндеу. Оның бір реттік сыйымдылығы 16 дана техника.
