Ақмола облысының еңбек ұжымдарына «Нұрлы жол» Жолдауы түсіндірілді (ФОТО)
16 Қаңтар, 2015 15:34
Ақмола облысы әкімінің орынбасары Нұрлан Нұркенов аймақтағы Астрахан ауданының еңбекші ұйымдарына ҚР Президенті Н.Назарбаевтың «Нұрлы жол – Болашаққа бастар жол» халыққа Жолдауын түсіндірді, деп өңірдің ішкі саясат басқармасынан хабарлады.
«Елбасы Нұрсұлтан Назарбаевтың жыл сайынғы халыққа Жолдауы еліміздегі елеулі оқиғалардың біріне айналады. Бүгінде Жолдау әрбір әрекетіміздің бастамасы болуы керек, біздің облысымыз еліміздің өсіп өркендеунің жарқын көрінісіне айналуы тиіс», - деп атап өтті ақпараттық топтың жетекшісі Н.Нұркенов.
Сонымен қатар, кездесу барасында облыс әкімінің орынбасары аймақтың экономикалық әлеуметтік дамуы тұрғысындағы болжамдарға, стратегиялық құжатты жүзеге асыруда қабылданып жатқан шараларға кеңінен тоқталды.
ІСБ мәліметі бойынша, Жолдауды түсіндіру мақсатындағы кездесулер Ақмола облысының барлық аудандарында өткізілді.
