• Басты
  • «Жас Отан» ЖҚ белсенділері «Қадірлейік қарттарды» акциясы аясында ҰОС ардагеріне көмектесті (ФОТО)

«Жас Отан» ЖҚ белсенділері «Қадірлейік қарттарды» акциясы аясында ҰОС ардагеріне көмектесті (ФОТО)

16 Қаңтар, 2015 15:04
Алматы облысы Сарқан ауданында «Сарқан ауданының жастары» филиалы, «Жас Отан» ЖҚ белсенді мүшелерінің атсалысуымен «Ардагерлерді ардақтайық» партиялық жобасы аясында «Қадірлейік қарттарды» акциясы өтті.

Акцияның мақсаты - Жеңістің 70 жылдығына орай ҰОС ардагерлеріне қамқорлық,  құрметкөрсету,   жастарды қарт адамдарға ықыласпен қарауға тәрбиелеу.

«Нұр Отан» партиясының алматылық филмалынан атап өткендей, шараға аудандық ардагерлер кеңесінің төрағасы Қ.Жанасбеков, ішкі саясат бөлімінің басшысы М.Түсіпов, «Сарқан ауданының жастары» филиалының жетекшісі, «Жас Отан» ЖҚ атқарушы хатшысы Д.Каипов, ерікті жастар және БАҚ өкілдері қатысты.

 Сарқан қаласында белсенділер Ұлы Отан соғысының ардагері Шевченко Дмитрий Тимофеевичке көмек көрсетті, ол  Украина жерінің Донецк қаласында дүниеге келген. Сұрапыл соғыс жылдары Мәскеуден Берлинге дейінгі аралықты жау қолынан азат еткен. Соғыс аяқталғаннан кейін Сарқан ауданы Қойбыш колхозында әр салада қызмет атқарған. Бүгінде жасы 92 келген ардагер Алматы облысы Сарқан қаласында тұрады. Дмитрий Тимофеевич Ұлы Отан соғысының I дәрежелі ордені мен 13 мерекелік медальдардың иегері.

Жастар соғыс ардагерінің үй ауласын қардан тазартып, отын-суларын дайындап берді. «Бұл бір күндік шара емес, аудан жастары қай уақытта болса да ардагерлерге отын-суы,аула тазалау сынды жұмыстарына әрдайым көмек беріп келеді. Осылай бейбіт, тәуелсіз мемелекетте өмір сүруіміз осы кісілердің арқасы. Сондықтан жастарымыз ардагерлерге деген құрметін, ілтипатын осындай жұмыстар арқылы көрсетуде», - дейді жасотандық Дамир Каипов.

Жасалып жатқан істерді қарапайым азаматтық парызымыз деп түсінетін жастарға ардагерлердің де алғысы шексіз. «Жастарға үлкен рахмет, барлығы осылардай болсын. Жаман қылықтан аулақ, әрдайым жігерлі, белсенді болып аға буын өкілдерін ұмытпасын. Бізге әрдайым қамқорлық көрсетіп жүресіздер. Сіздерге алғысызды айтамын», - дейді соғыс ардагері ДмитрийШевченко.

 

Барлық жаңалықтар