Ақтөбе облысында 2014 жылы шамамен 2 млрд теңгенің мүлкі заңдастырылды
16 Қаңтар, 2015 11:33
Ақтөбе облысында барлығы 1 млрд 842 млн 328 мың теңгенің 487 жылжымайтын мүлкі жария етілді, деп ішкі саясат басқармасы хабарлады.
«2015 жылдың 1 қаңтарына дейін облыс бойынша 2 416 жылжымайтын мүлікті жария ету бойынша 1 283 өтініш келіп түсті. Олардың жалпы құны 6 миллиард 556 миллион 879 мың теңгеге бағаланды», - деп хабарлады ІСБ.
Өткен мерзімде түскен 261 өтініш бойынша 1 миллиард 842 миллион 328 мың теңгенің 487 жылжымайтын мүлкі жария етілді. Құны 2 миллиард 636 миллион теңге болатын 985 жылжымайтын мүлікті заңдастыру бойынша 514 өтініш қайта қаралуға жіберілді. Оған тиісті талаптардың дұрыс орындалмауы себеп болған.
Аталып өткендей, жария етуге құжаттарды тапсырудың негізгі себептері - бітпеген құрылыс, жер учаскісін мақсаты бойынша пайдаланбау, техникалық паспортты дұрыс рәсімдемеу.
