Қазақстанда әйелдерді инфрақұрылымдық жобаларға тарту жалғасын табады – Г.Әбдіхалықова
15 Қаңтар, 2015 19:12
Қазақстанда әйел азаматтарды инфрақұрылымдық жобаларға жұмысқа тарту бұдан кейін де жалғасын табатын болады. Бұл жайында бүгін БҰҰДаму бағдарламасының тұрақты өкілі Стивен Туллмен кездескен ҚР Мемлекеттік хатшысы Гүлшара Әбдіхалықова мәлімдеді.
Мемлекеттік хатшы Инфрақұрылымдық даму бағдарламасы аясында Қазақстандағы әлеуметтік инфрақұрылым дамуының өзара тығыз қарым-қатынасының аса маңызды екенін атап өтті. Әсіресе, инфрақұрылымдық жобаларға әйелдерді тарту жұмыстары қарқынды атқарылуы керек деді ол.
Сондай-ақ, кездесу қатысушылары Мемлекет басшысының «Қазақстан-2050» Стратегиясы мен «Нұрлы жол – болашаққа бастар жол» жаңа экономикалық саясатын жүзеге асыру барысында мемлекеттің әлеуметтік-гуманитарлық даму мәселелерін де талқылады.
Аталған кездесу барысында Гүлшара Әбдіхалықова қос тараптың өзара түсіністік пен серіктестіктің жоғары деңгейде екенін атап, БҰҰ Даму бағдарламасының Қазақстандағы әлеуметтік-экономикалық процетерге ерекше үлесін қосып отырғандығын тілге тиек етті.
