БҚО-да 2014 жылы нысандардың құрылысына 17 млрд теңге бөлінді
16 Қаңтар, 2015 08:49
БҚО-ның құрылыс басқармасы 2014 жылы нысандардың құрылысына 17 млрд теңге бөлді, деп ішкі саясат басқармасынан хабарлады.
Аталып өткендей, олардың 13,2 млрд теңгесі республикалық бюджеттен, 3,8 млрд теңгесі жергілікті бюджеттен бөлінді. Жыл қорытындысы бойынша барлық қаржы игерілді.
«БҚО құрылыс басқармасы» ММ ұйымдастыруымен байқау арқылы жалпы сомасы 10,594 млрд теңгеге 74 электронды мемлекеттік сатып алу өткізілді. Олардың 36 құрылыс монтаж жұмыстары бойынша (жалпы сомасы 10,08 млрд теңге), жобалық сметалық құжатнаманы жасақтау бойынша 38 сатып алу (жалпы сомасы 510 млн теңге).
