Астанада 2014 жылы өнеркәсіп өнімінің көлемі 324,5 млрд. теңгені құрады

«Өңдеу өнеркәсібіндегі өнімнің нақты көлемі 2013 жылғы қаңтар-желтоқсандағы деңгейімен салыстырғанда 3,9%-ға төмендеді және қолданыстағы бағамен 270,8 млрд. теңгені құрады. Өңдеу өнеркәсібіндегі өндіріс көлемінің төмендеуі сусындар өндірісінде, киім өндіру, қағаз және қағаздан жасалған өнімдер өндіру, жазылған материалдарды басып шығару және жаңғырту, резеңке және пластмасса бұйымдары мен машина жасаудағы тауарлар мен қызметтер өндірісінде байқалады», - делінген хабарламада. .

Бұдан басқа, дәнді және өсімдік дақылдарынан тартылған ұн, олардан майда тартылған ұн қоспалары - 12,6%-ға, нан өндіру 8,7%-ға қысқарды.

Ал, құрылыс индустриясы кәсіпорындарымен цементтен, бетоннан немесе жасанды тастан жасалған құрылысқа арналған құрастырмалы конструкция элементтері (121,6%) өндірісінің өсуі қамтамасыз етілген. Машина жасауда өнімнің нақты көлемінің төмендеуі дизельді локомотивтер шығарудың қысқаруынан (57,4%) орын алды.

Сонымен қатар, 2014 жылғы қаңтар-желтоқсанда электрмен жабдықтауда, газ, бу беруде және ауа баптауда өнімдер (тауарлар, қызметтер) көлемі 46,5 млрд. теңгені құрады, 2014 жылғы қаңтар-желтоқсандағы нақты көлем индексі 2013 жылғы қаңтар-желтоқсанға қарағанда 111,5%-ды құрады.

2014 жылғы қаңтар-желтоқсанда сумен жабдықтауда, кәріз жүйесінде, қалдықтардың жиналуын және таратылуын бақылауда қызмет көлемі 2013 жылғы қаңтар-желтоқсанмен салыстырғанда 15,1%-ға төмендеп, 7,2 млрд. теңгені құрады.