Қазақстан Ресей мен Оңтүстік Кореяда этносаралық келісім үлгісін таныстырады

15 Қаңтар, 2015 12:48

Қазақстандық этносаралық келісім үлгісі Ресей мен Оңтүстік қазақстанда таныстырылады, деп хабарлады Мемлекеттік басқару академиясының Орталық Азиядағы этносаралық және конфессияаралық қатынастарды зерттеу жөніндегі орталықтың басшысы, әлеуметтік ғылымдар докторы Айгүл Сәдуақасова.

«Таныстыру белсенді жалғасуда. Біздің ғалымдарымыздың халықаралық байланысы жетерлік. Атап айтар болсақ, Ресей мен Оңтүстік Кореяда қазақстандық этносаралық келісім үлгісі жақын арада таныстырылатын болады», - деді А.Сәдуақасова ОКҚ өткен брифингіде.

Сонымен қатар, ол, қаңтардың 7-9 аралығында Швецияның Упсала қаласында өткен конференция еуропалық және басқа да елдердiң 15-тен астам ғылыми орталығы мен университетiнің басын қосқанын еске салды. Оның айтуынша, онда арнайы этносаралық әрiптестiктi қалыптастыру мәселесiн талқыланды. Осы тақырып бойынша бiздiң Қазақстанның моделi арнайы панельдiк дәрiс және арнайы панельдiк сессия ретiнде қаралды. Қазақстанның атынан 5 ғалым мен сарапшы, ҚР Президентi жанындағы Мемлекеттiк басқару академиясының профессорлары мен ғылыми қызметкерлерi,Қазақстан халқы Ассамблеясының ғылыми сарапшылық тобының мүшелерi қатысты.

«Айта кетерлік жайт, ұлттық жоспар шеңберінде Қазақстанның шетелдегі елшіліктерінде ашық есік күні өткізілетін болады. Бұдан басқа, өткен жылы Лондонда бейбітшіліек және келісім орталығы құрылып, ол бүгінде қазақстандық этносаралық келісім үлгісі аясында белсенді жұмыс істеуде», - деп толықтырды.

Камила Амирова

Барлық жаңалықтар