• Басты
  • Қызылорда облысында 2014 жылы 5 млрд теңгеге несиелерді субсидиялау мақұлданды
15 Қаңтар, 2015 15:03

Қызылорда облысында 2014 жылы 5 млрд теңгеге несиелерді субсидиялау мақұлданды

«Даму» қоры Қызылорда облысының жаңадан кәсібін бастаған кәсіпкерлеріне «Бизнестің жол картасы - 2020» бағдарламасы аясында қолдау көрсетуді жалғастырып келеді.
Қызылорда облысында 2014 жылы 5 млрд теңгеге  несиелерді субсидиялау мақұлданды

«Өткен жылы Аймақтық үйлестіру кеңесі кәсіпкерлердің 78 жобасы бойынша 5 млрд 436 млн теңгеге несиелерді субсидиялауды мақұлдады. 69 компаниямен несие бойынша пайыздық үстемақыны 7%-ға дейін төмендету мақсатында келісім жасалды. Несиелік қоржынның сомасы 3 млрд 619 млн теңгені құрады. 2014 жылы несие бойынша төленген субсидия сомасы 662,87 млн теңгені көрсетті», - деп хабарлады «Даму» қоры.

Бұдан басқа, кәсіпкерлермен несиені кепілдендіру бойынша 32 келісімге қол қойылды, оның жалпы сомасы 449,5 млн теңге. Олардың 11-і старт-ап жоба болып табылады. Айта кетерлік жайт, бүгінде «Даму» қорымен бірлескен несиелік өнімдерін ойластырған банктардың саны артты.

«Даму» қорының қызылордалық филиалы кәсіпкерлерге қаржылай емес қолдау көрсету жолында белсенді жұмыс істеп келеді.

Хабарламада аталып өткендей, «Бизнес-Кеңесші» бағдарламасы бойынша 862 адам оқудан өтті. Барлығы облыста 19 семинар, тренингтер ұйымдастырылса.  оның 10-ы аудан орталықтарында өтті. 

Барлық жаңалықтар