СҚО-да 2015 жылы АӨК-нің өсімін 7%-ға қамтамасыз ету көзделуде

«СҚО-ның 2015 жылға арналған агроөнеркәсiптiк дамыту жоспарының негiзгi мақсаты — өңiрдегi АӨК-нiң 7% өсу көрсеткiштерi мен азық-түлiктiк қауiпсiздiгiн қамтамасыз ету болып табылады. Өсiмдiк саласын құрылымдық әртараптандыру арқылы дамыту өсiмдiк шаруашылығы өнiмi көлемiн арттыруға септiгiн тигiзедi, сондай-ақ, егiн шаруашылығын жетiлдiру мен өндiрiске суармалы жерлердi енгiзу қажет», - деп атап өтті әкімдіктен.

2015 жылы облыс бойынша егiстiк алқабының барлық аумағы 4,35 млн гектарды құрайды, бұл 2014 жылға қарағанда 3,2 мың гектарға артық.

Бұдан басқа, хабарламада атап өтілгендей, 2015 жылы iрi қара мал санын — 302 басқа, қой мен ешкiнi 360 мыңға, жылқы санын 100 мың, шошқаны 158 мыңға, құсты — 4134 мың басқа, жұмыртқаны 581 миллион данаға, ет өндiрiсiн 98,3 мың тоннаға, сүт өнiмiн  — 506.4 тоннаға жеткiзу қажет.