Міндетті мүшелік төлем көлемі азайтылуы мүмкін – ҰКП

Хабарламаға сай, мүшелік төлемнің жоғарғы шегін 30 пайыз азайтып, төменгі шекті екі есе қысқарту көзделген.

«Бұл мәселе қазір талқыланып жатыр. 8 млн теңге болатын жоғарғы шек қазір 30 пайызға азайтылуы мүмкін. Төменгі шек 300 мыңнан екі есеге дейін қысқартылуы ықтимал. Бұл ақылға қонымды шара», - дейді ҰКП басшылығы.

Сонымен қатар басқарма төрағасының айтуынша, шығынға ұшыраған компаниялар аталған төлемнен босатылуы мүмкін.

«Компаниялардың шығынға ұшырау көрсеткішін анықтайтын критерийлер дайындалуда. Солар төлемнен босатылмақ», - дейді А.Мырзахметов.

Оның айтуынша, сонымен қатар әлеуметтік бағытталған компаниялар да аталған жауапкершіліктен босатылмақ. Мысалға, компанияда арнайы қажеттілікке мұқтаж 50 адам қызмет ететін болса, компания осы санатқа енбек.