ШҚО-да ҚХА мүшелеріне «Бірлік» алтын медальдары тарту етілді
14 Қаңтар, 2015 19:04
Өскемен қаласының Достық үйінде ШҚО әкімі Даниал Ахметов ҚХА мүшелері мен этномәдени бірлестіктердің басшыларына Қазақстан халқы Ассамблеясының алғыс хаты мен медалін табыстады, деп хабарлады ШҚО-ның ақпараттық орталығы.
«Мемлекеттік және қоғамдық қызметтегі ерең еңбегі үшін Шығыс Қазақстан облысының әкімі Даниал Ахметов ҚХА мүшесі Владимир Акулов пен ««Башкуль» аудандық татар мәдени орталығы» этномәдени бірлестігінің төрағасы Ринат Хамитовты, ҚХА депутаттық тобынан Бесқарағай аудандық мәслихатының депутаты Вячеслав Харченконы «Бірлік» алтын медалімен марапаттады», - делінген хабарламада.
Ал, ШҚО ҚХА ғылыми-сараптамалық тобының мүшесі Алексей Алексеенко мен белорусь этномәдени бірлестігінің төрағасы Галина Жампеисоваға Қазақстан халықтар Ассамблеясының алғыс хаты табысталды.
Жалпы, этносаралық келісімді сақтау жобаларының бастамашысына айналған Шығыс Қазақстанда өткен жылы бірқатар жұмыстар атқарылды.
