Павлодар ауданы әкімдері халық алдында есеп беруде

14 Қаңтар, 2015 15:06

Павлодар облысының барлық деңгейдегі әкімдері халық алдында есеп бере бастады, деп хабарлайды облыс әкімдігі.

Әкімдер өздері басқаратын өңірлерде мемлекеттік бағдарламалардың іске асырылуы туралы есеп беріп, 2014 жылдың әлеуметтік-экономикалық даму қорытындыларын баяндайды, сонымен қатар есептік кездесулерде мемлекеттік органдар іс-әрекетінің басым бағыттарының және перспективалық жоспарлардың мақсат-міндеттері талқыланады. Кездесулер барысында өңір тұрғындары проблемалық мәселелерді көтеріп қана қоймай, өз ұсыныстары мен ескертулерін айтуға мүмкіндіктері болады.

Осы жылдың 14 қаңтарынан 4 ақпаны аралығында облыстың ауылдық округтері мен ауылдары әкімдері есеп берсе, 19 қаңтардан 13 ақпан аралығында қалалар мен аудандар әкімдері есеп береді.

Облыс әкімінің есептік кездесуі 2015 жылғы 18 ақпанда Естай атындағы мәдениет сарайында өтеді.

Есептік кезеңде барлығы 571 кездесу өтеді.

Айта кетейік, Павлодар облысында 148 ауылдық округтер мен ауылдар әкімдері, 13 қала мен аудандар әкімі бар.