2015 жылғы 1 қаңтардағы жағдай бойынша Астанада ШОБ субъектілерінің саны 2,5%-ға артты
14 Қаңтар, 2015 13:05
Астанада 2015 жылғы 1 қаңтардағы жағдай бойынша нарықта белсенді қызмет атқаратын шағын және орта кәсіпкерлік субъектілерінің саны өткен жылдың сәйкес кезеңімен салыстырғанда 2,5%-ға көбейді, деп хабарлады қаланың статистика департаменті.
Нарықта белсенді қызмет атқаратын шағын және орта кәсіпкерлік субъектілерінің саны 60790 бірлікті құрады, соның ішінде 7946 заңды тұлғалар, 52835 жеке кәсіпкерлер және 9 шаруа қожалығы.
Департаменттің мәліметі бойынша, 2014 жылғы 1 қазанға шағын және орта кәсіпкерлікте жұмыспен қамтылғандар саны 4,6%-ға көбейді және 233784 адамды құрады. Қаңтар-қыркүйекте шағын және орта кәсіпкерлік субъектілерімен шығарылған өнімдер өткен жылдың сәйкес кезеңімен салыстырғанда 43,6%-ға көбейді және 2294809 млн. теңгені құрады.
