Астанада Мемлекет пен Қазақстанның Православ шіркеуінің өзара байланысы мәселесі талқыланды

Мәдениет және спорт министрлігінің хабарлауынша, тараптар мемлекет пен Қазақстанның Православ шіркеуі байланысын талқылады.

«Кездесу барысында Мемлекет басшысы Н.Назарбаевтың елде дінаралық және ұлтаралық келісімді орнатқандағы еңбегін тілге тиек етіп, ұлтаралық және дінаралық келісімнің қазақстандық моделінің әлем бойынша мойындалып жатқанын айтысты», - делінген хабарламада.

Министр Арыстанбек Мұхамедиұлы Қазақстанның Православ шіркеуінң қоғамдағы бейбітшілік пен келісімді нығайтуда қосар үлесінің мол екенін айтып, мемлекет пен діни бірлестіктер арасындағы жемісті диалогты дамыту керектігін алға тартты. Сонымен қатар өзге де конфессия өкілдерімен православ ағымы өкілдерінің қазақстандық халық арасында  толеранттылық пен төзімділікті насихаттау керектігін мәлімдеді.

Өз кезегінде Қазақстанның Православ шіркеуі басшысы ҚПШ жұмыстарының алдағы жоспарларымен бөлісті.

Митрополиттің айтуынша, кафедралды соборға қалпына келтіру жұмыстары 100 жылдан астам уақыт бойы жасалмаған. Ол ведомства басшысынан аталмыш ғимаратты қалпына келтіру жұмысарына көз қырын салып қоюды сұрады.

Сонымен қатар сөз соңында митрополит министрге Орыс Православ шіркеуі, ҚР Мәдениет және спорт министрлігі мен Ресей Федерациясы мәдениет министрлігінің үшжақты көрмесіне қатысуға шақырды.