Жеңіс жалаушасы Астанаға оралады - ҚМ(ФОТО)

«Жеңіске құрмет» республикалық марафон-акциясына Алматы гарнизонының әскери қызметшілері, Ұлы Отан соғысының ардагерлері, жергілікті соғыстарға қатысушылар, қоғамдық бірлестіктердің өкілдері қатысты.

«Өз жолын Астанадағы 36 десантты-шабуылдаушылар бригадасынан бастаған Жеңіс жалаушасы барлық өңірлік қолбасшылықтардың әскери бөлімдерін аралап шықты», деді Алматы гарнизонының бастығы генерал-майор Дәулет Оспанов.

Ол акцияға қатысушыларды Ұлы Жеңістің 70 жылдығы мен Достастық елдері Ардагерлер жылы шеңберінде Елбасы – Қарулы Күштердің Жоғарғы Бас қолбасшысы Н.Ә. Назарбаевтың атынан өткізіліп отырған тарихи оқиғамен құттықтады. Сонымен қатар, генерал-майор Д. Оспанов «Жауынгерлік ерлік халықтың жадынан ешқашан өшпейтінін, сардарлар мен сарбаздардың Отан үшін болған ұрыста көрсеткен ерлігі мен қаһармандығы тарихымызға мәңгі жазылатынын» атап өтті.

Аэроұтқыр әскерінің әскери қызметкері майор Қанат Есдаулетов Жеңіс жалаушасын Астананың өкіліне берді.

Ұлы Отан соғысының ардагері запастағы полковник Геннадий Мунайлов Мемлекет басшысына ауқымды бастамасы және ардагерлерге жасаған қамқорлығы үшін ризашылығын білдірді.

Естеріңізге сала кетейік, «Жеңіске құрмет» марафон-акциясы 15 қаңтарда аяқталады. Сол күні Жеңіс жалаушасы Кеңес Одағының Батыры, Халық қаһарманы армия генералы Сағадат Нұрмағамбетов атындағы «Жас ұлан» республикалық мектебіне табыс етіледі.