Пиролизді жылыту тәжірибесі ШҚО мектептерінде 11 млн теңгеге дейін үнемдеуге мүмкіндік береді (ФОТО)

«Шығыс Қазақстан облысы Аягөз ауданындағы пиролизді жылыту технологиясына ие 40 шақты пеш әр мектептен 11 млн теңгеге дейін қаражат үнемдеуге мүмкіндік береді. Осының арқасында бюджеттің ауқымды бөлігін үнемдеуге жол ашылады», - деп мәлімдеді Т.Немцан ОКҚ брифингінде.

Оның айтуынша, күн суколлекторларын пайдалану жобасы Шығыс Қазақстан мен Қызылорда облыстарында қолдау тауып отыр.

«Ауылдық жерлерде санитарлық мәселелерді шешу үшін күн энергиясын пайдалану маңызды мәселе. Әсіресе жылдың ұзақ уақытында күн энергиясы молынан төгілетін оңтүстік өңірлер үшін бұл керек іс. Бір сенсорлық кран пайдалану үшін білім беру ұйымдарында 150 баланың тәулік сайын 361 литр су үнемдеуіне мүмкіндік туындайды», - дейді.

Сонымен қатар тамшылатып суару технологиясы да өз нәтижесін беріп жатыр. «Дәстүрлі суару кезінде 10 соток жер үшін 210 текше метр су жұмсалады. Ал тамшылатып суару тәжірибесі бұл көрсеткішті 53 литрге дейін азайтады», - дейді Т.Немцан.

Осы орайда егін шығымы жылына үш жарым есеге дейін артып, ауыл тұрғындары бейнетін азайтады.

Камила Амирова

Суретке түсірген Азамат Алиев