2014 жылы Семейде 133 млрд теңгенің өнеркәсіптік өнімі өндірілді
13 Қаңтар, 2015 12:42
Өткен жылы Семейдегі өнеркәсіп өндірісі саласындағы өнім көлемі 133 млрд теңгені құрап, жоспардың 108,5%-ын құрады, деп хабарлайды қала әкімдігі.
Кәсіпорын жылдық жоспардың 107,6 пайызын орындаса, тау-кен өндірісі саласындағы көрсеткіш 119,7 пайызды құрады.
Хабарламада айтылғандай, ауыл шаруашылығында ауыз толтырып айтарлықтай жетістіктер бар. Атап айтар болсақ, өндірілген өнім көлемі өткен жылғы көрсеткіштен 1,5 млрд теңгеге асып кетті. Ет өндірісі 4,5 пайызға көбейсе, жұмыртқа өндірісі екі есе ұлғайған. Биылғы жылдың 1 қаңтарындағы мәлімет бойынша, ірі қара мал басы 45 мыңды құраса, жылқы саны 26 мың.
Сонымен қатар бюджеттің негізгі бөлігі ШОБ саласына тиесілі. Шағын кәсіпкерлік нысандары саны 1100-ден асып жығылады. Бөлшек саудадағы тауар айналымы 138 млрд теңге болса, оған салынған инвестиция көлемі 50 млрд теңге. Жергілікті бюджеттің кіріс бөлігі 12,5 млрд теңгеге жетіп қалды.
