• Главная
  • ҚР-да жаңа көлік қауіпсіздігі сертификаттарын беру басталды
13 января, 2015 14:32

ҚР-да жаңа көлік қауіпсіздігі сертификаттарын беру басталды

Қазақстанда Кеден Одағының техникалық регламентіне сәйкес доңғалақты көлік құралдарының жаңа үлгідегі сертификаттары беріле бастады, деп хабарлады ҚР Премьер – Министрінің сайты ҚР ИДМ Техникалық реттеу және метрология комитетіне сілтеме жасай отырып.
ҚР-да жаңа көлік қауіпсіздігі сертификаттарын беру басталды

«Қазақстанда ескі сәйкестік сертификатының орнына көлік құралдарын айналымға шығару бойынша жаңа үлгідегі құжатты беруге кірісті», - делінген хабарламада. 

Комитетте хабарлағандай, 018/2011 КО ТР «Доңғалақты көлік құралдарының қауіпсіздігі туралы» Кеден Одағы техникалық регламентін жүзеге асыру мақсатында жоғарыда аталған құжаттарды толтыру жөнінде 22 сынақ зертханасы мен 4 сәйкестікті растау жөніндегі орган аккредиттеуден өтті.

2015 жылдың 12 қаңтарына жағдай бойынша 200 жуық көлік құралының қауіпсіздігі туралы куәлік берілді.