Ақмола облысында бюджеттің түзетілімі қаралды
Түзету кезінде аяқталуға жақын және апатты нысандарға басымдылық берілді.
Сонымен қатар әкімдік жаңадан басталған бірқатар инвестициялық жобалар жоспарлады. Облыстық бюджетке экономика және бюджеттік жоспарлау басқармасы тарапынан жүргізілген сараптамадан кейін 3,4 млрд теңге көлеміндегі қаражатты қайта бөлу ұсынысы талқылауға ұсынылды.
Әкімдіктің хабарлауынша, қазіргі таңда өңірдегі жылыту маусымы кестеге сай жүріп жатыр. Облыста 272,3 мың тонна көмір мен 0,8 мың тонна мазут бар. Бұл нормативті талапқа толықтай жауап береді. Отын бекітілген кестемен келіп түсіп жатыр. Қазіргі таңда басқарма қалалық және аудандық әкімдіктермен бірігіп анықталған қажетті қаржы құралдарымен келесі жылыту маусымына дайындық шараларын дайындауда. Алдын ала есептеу бойынша, жалпы жылыту маусымына 3,6 млрд теңге көлемінде қаражат керек. Нақты көлемі жылыту маусымының соңына қарай анықталады.
