Сенатта азаматтардың екі ел арасына қатынауы туралы заң жобасы қаралды
12 Қаңтар, 2015 15:48
Бүгін ҚР Парламенті Сенатының Конституциялық заңнама, сот жүйесі мен құқық қорғау органдары комитетінің кеңейтілген отырысында «2000 жылдың 7 шілдесіндегі азаматтардың өзара қатынасы шарттары туралы Қазақстан Республикасы Үкіметі мен Өзбекстан Республикасы Үкіметі арасындағы Келісімге өзгерістер мен толықтырулар енгізу туралы Хаттаманы ратификациялау туралы» ҚР Заң жобасы қаралды.
Сенаттың хабарлауынша, хаттама 2012 жылдың 7 қыркүйегінде Астана қаласында жасалған, ол Қазақстан Республикасы мен Өзбекстан Республикасы аумағындағы азаматтарының уақытша болуы, транзитпен өтуі және ел аумағынан шығуына арналған құжаттардың тізіміне өзгерістер мен толықтырулар енгізуді қарастырады.
Заң жобасы Палата қарауына жіберілді.
