Сенатта бірқатар заң жобалары талқыланбақ

12 Қаңтар, 2015 15:03

Бүгін Қасым-Жомарт Тоқаевтың төрағалық етуімен Қазақстан Республикасы Парламенті Сенаты Бюросының отырысы болып, онда 2015 жылғы 15 қаңтарда болатын бюро отырысының күн тәртібі талқыланды, деп хабарлайды жоғарғы палата.

«Сенаторлар Қазақстан мен Қатар Үкіметтері арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келісімді және хаттаманы ратификациялау туралы; Қазақстан мен Өзбекстан Үкіметтері арасындағы Азаматтардың өзара сапарларының шарттары туралы келісімге өзгерістер мен толықтырулар енгізу туралы хаттаманы ратификациялау туралы заң жобасын талқылау жоспарға енгізілді», - делінген хабарламада.

Сонымен қатар Шекарааралық су арналары мен халықаралық көлдерді қорғау және пайдалану туралы конвенцияның 25 және 26-баптарына түзетуді ратификациялау туралы; Қазақстан мен Жануарлардың саулығы жөніндегі дүниежүзілік ұйым арасындағы Жануарлардың саулығы жөніндегі дүниежүзілік ұйымның Аусыл бойынша субөңірлік үйлестіру кеңсесін Астана қаласында құру туралы келісімді ратификациялау туралы заң жобаларын қарауды жоспарлады.

Барлық жаңалықтар