Қазақстанда айыппұл көлемін 30%-ға дейін төмендету қарастырылды

«Әкімшілік айыппұлдар салатын уәкілетті мемлекеттік органдар мен судьялар өздеріне берілген құқықты пайдалана отырып, айыппұл көлемін 30%-ға дейін жеңілдете алады», - деді З.Баймолдина.

Сонымен қатар ведомсвто басшысының орынбасары қандай жағдайда айыппұл көлемі төмендетілетініне тоқталды. «Әкімшілік құқық бұзушылықтар туралы кодексте нақты бір белгіленген айыппұл көлемі бар. Ал, енді айыппұл салынған адам жасаған қылмысы үшін өкініш білдірсе, болмаса ол кәмелеттік жасқа толмаса немесе аяғы ауыр әйел болса, сот пен мемлекеттік орган айыппұл көлемін 30%-ға дейін төмендете алады»,-деп толықтырды ведомсвто басшысының орынбасары. 

Естеріңізге сала кетейік, жаңа редакцияланған Әкімшілік құқық бұзушылық туралы кодекс 2015 жылдың 1 қаңтарында күшне енді.

Аталмыш жаңа Әкімшілік құқық бұзушылық туралы кодексте шағын кәсіпкерлерге салынатын айыппұлдар да реттелген. «Бұрын шағын және орта кәсіпкерлер бірдей көлемде айыппұл төлесе, енді шағын кәсіпкерлерге салынған айыппұл орта кәсіпкерлермен салыстырғанда 50%-ға азайды.

Камила Амирова