• Басты
  • Қазақстанда үш жылда ЖКО 13%-ға төмендеді – ІІМ

Қазақстанда үш жылда ЖКО 13%-ға төмендеді – ІІМ

12 Қаңтар, 2015 12:19
Қазақстанда үш жылда ЖКО 13%-ға төмендеді, деп хабарлады ҚР ІІМ Әкімшілік полиция комитетінің төрағасы Игорь Лепеха ОКҚ өткен брифингінде.

«Біз қабылдаған шаралар, оның ішінде әкімшілік құқық бұзушылық заңнамасы аясында өзінің оң нәтижесін беруде. Біз құқық бұзушылықты бұрынғыға қарағанда аз тіркейтін болдық. Адамдар жол жүру ережесін сақтайтын болды», - деп атап өтті И.Лепеха.

Комитет басшысының мәліметі бойынша, өткен жылы апатты жағдайлар өсімі 70% шамасында болды. Бүгінгі таңда алғаш рет үші жылда ЖКО сан бойынша 13%-ға, қайтыс болғандардың саны бойынша 15%-ға, жарақат алғандардың саны бойынша 13,2%-ға төмендеді.

«Былтыр жол қозғалысы ережесі саласында тіркелген әкімшілік құқық бұзушылық 2 млн. 321 мыңға жетті. Бұл бағытта өсім 24 пайызды құрады. Салынған айыппұлдардың жалпы сомасы 26 млрд. 42 млн. теңгені қамтыды», - деп хабарлады ол.

Сонымен қатар, барлық әкімшілік құқық бұзушылықтардың 90%-ын полиция қызметкерлері анықтайты. «Атап айтқанда, өткен жылы біз 3 миллион 326 мың әкімшілік құқық бұзушылықты анықтадық, бұл оның алдындағы жылмен салыстырғанда 20 пайызға артық», - деді комитет басшысы.

Камила Амирова

Барлық жаңалықтар