• Басты
  • Алматыдағы математика олимпиасында әлемнің 15 елінен келген 400 қатысушы бақ сынасты

Алматыдағы математика олимпиасында әлемнің 15 елінен келген 400 қатысушы бақ сынасты

12 Қаңтар, 2015 16:32
Алматы қаласындағы О.Жәутіков атындағы дарынды балаларға арналған Республикалық мамандандырылған физика-математика орта-мектеп интернаты (РМФМОМИ) базасында, математика, физика және информатикадан ХІ Халықаралық Жәутіков олимпиадасы (ХЖО) басталды.

Білім және ғылым министрлігінен хабарлағандай, Олимпиадаға Қазақстан, Ресей, Украина, Белоруссия, Әзірбайжан, Армения, Грузия, Қырғызстан, Тәжікстан, Түркіменстан, Өзбекстан, Болгария, Румыния, Сербия және Монғолия сияқты әлемнің 15 елінен 60 команда (400-ге жуық қатысушы) қатысады деп күтілуде. 

Халықаралық әділ-қазылар құрамында әлемнің 9 елінің: Қазақстан, Ресей, Болгария, Грузия, Армения, Азербайжан, Белоруссия, Украина және Өзбекстан ғалымдары жұмыс істейтін болады. Жюрилер төрағасы – әл-Фараби атындағы ҚазҰУ ректоры Мұтанов Ғалымқайыр Мұтанұлы.

Бұдан басқа, 15 қаңтарда Назарбаев Университеті (НУ) ХЖО жеңімпаздарына білім грантары беріледі. 14 қаңтарда Назарбаев Университетіне академиялық бағдарламасы және қабылдау ережесі туралы тұсаукесер (презентация) өткізеді, сонымен бірге 14 қаңтарда Қазақ-Британ Техникалық Университеті де презентация өткізбекші.

Барлық жаңалықтар