Жаңа ӘҚБК кәсіпкерлерге қатысты айыппұл мөлшері 50%-ға төмендетілді
«Жаңа әкімшілік құқық бұзушылық туралы кодексте шағын кәсіпкерлерге салынатын айыппұлдар да реттелген. «Бұрын шағын және орта кәсіпкерлер бірдей көлемде айыппұл төлесе, енді шағын кәсіпкерлерге салынған айыппұл орта кәсіпкерлермен салыстырғанда 50 пайызға азаяды», - деді Зәуреш Баймолдина ОКҚ өткен брифингінде.
Сонымен қатар, оның айтуынша, әкімшілік айыппұлдар салатын уәкілетті мемлекеттік органдар мен судьялар өздеріне берілген құқықты пайдалана отырып, айыппұл көлемін 30 пайызға дейін жеңілдете алады.
«Бұл жағдайды түсіндіріп өтсем. Әкімшілік құқық бұзушылықтар туралы кодексте нақты бір белгіленген айыппұл көлемі бар. Ал, енді айыппұл салынған адам жасаған қылмысы үшін өкініш білдірсе, болмаса ол кәмелеттік жасқа толмаса немесе аяғы ауыр әйел болса, сот пен мемлекеттік орган айыппұл көлемін 30 пайызға дейін азайта алады»,-деп толықтырды ведомсвто басшысының орынбасары.
