Қызылорда облысында тозығы жеткен екі көпір бұзылады
11 Қаңтар, 2015 10:31
Қызылорда облысында тозығы жеткен екі көпір бұзылады, деп хабарлады әкімдік.
«Мұның орнына біз заман талабына сай автожол көпірін саламыз. Сырдария өзені арқылы өтетін екі көпірдің әбден тозығы жеткен. Ол үшін қаржы бөлініп отыр. Биылғы жылы жоспарға сәкес құрылыс жұмыстарын бастайтын боламыз» - дейді Қызылорда облыстық жолаушылар көлігі және автомобиль жолдары басқармасының басшысы Марат Бәйімбетов.
Жойылатын көпірдің бірі Қазалы ауданының Әлсейт өткеліне тиесілі болса, екінші көпір Қармақшы ауданы Ақай ауылының тұсында.
Басқарма басшысының айтуынша аталған қос көпір қазірдің өзінде тұрғындар үшін өте қауіпті. Олар көпірді тек көктемнен күз мезгіліне дейін ғана пайдалана алады, - дейді ол.
