Қызылорданың орталығында жерүсті көпірі салынды
11 Қаңтар, 2015 12:01
Қызылордада жаяу жүргіншілерге арналған жерүсті көпірі салынды, деп хабарлады облыс әкімдігі.
«Мемлекеттік қазынадан көпір құрылысына 44 млн теңге бөлінді. Жерүсті көпірі Абай даңғылындағы кептелісті азайтпақ. Бұл жерүсті көпірі Абай даңғылында ашылды, «Жайна» жабық базарының маңында Қазыбек би көшесі арқылы тағы бір көпір салынып жатыр, - дейді Қызылорда әкімі Нұрлыбек Нәлібаев. – Сондай-ақ қалалық мемлекеттік рәміздер алаңын Тұңғыш Президент саябағына ауыстыру жоспарда бар, қазір бұл үшін ЖСҚ дайындалуда. Саябақтағы алаңда іс-шаралар өткізу қолайлы болмақ», - делінген хабарламада.
Сонымет қатар, Қорқыт ата әуежайының маңында «Қызылорда» панносы орнатылады. Ал облыстық ХҚКО-да жаңа «Мұнайшы» шағын ауданы құрыла бастайды.
